Қазақстан Дубайдағы GulFood көрмесінде басқа елдермен 335 миллион доллар сомасына келісімдер жасады.
Дубайда тағам индустриясының әлемдегі ең ірі көрмелерінің бірі – GulFood жалғасып жатыр. Бұл – әлемнің жетекші өндірушілері саланың трендтерін, сапасын және даму болашағын талқылайтын халықаралық платформа.
Біз үшін бұл «Айс» өнімдерін жаһандық деңгейде таныстыруға және халықаралық іскерлік байланыстарды нығайтуға берілген маңызды мүмкіндік.
Көрмеге 195 елден 8,5 мыңнан астам компания қатысып жатыр. Қазақстан ұлттық өндірушілер арқылы, соның ішінде сүт өнімдері, ет және астық бағыттары бойынша, өзінің экспорттық әлеуетін көрсетуде.
«Айс» халықаралық іс-шаралар мен форумдарға белсенді қатысып, ынтымақтастықты нығайтып, өткізу нарықтарын кеңейтуде.
